إلي إيمن نور
ذنبك يا أيمنإنك صـّدقت
صدقت قريبك
في براءة
فكشفت له عيبك
صدّقت عدوك
بحماقة
وعملته نسيبك
ما فـّرقتش
بين اللي بيفحت ليك
وبين مين في الزّفة حبيبك
صدقت بإن الحداية
بتحدّف كتاكيت
وان القطة الـلــّايدة
ح تخجل م التبكيت
وان الديموقراطيه من الإتيكيت
إيزوريس يا إبني
ما كانش منوفي
وإيزيس مش جنيـّة
لكنه الهم
اللي كلـّت منه كتوفي
ما كانش هزار
ولا صورة شعرية
دي سياسة
بحرها كلـّه
ف عصر النـّخـّاسة – نجاسة
لكن بشويش وكياسة
تلهفها بكل حماسة
من غيـْر ما تزعل أي شاويش
من غيـْر ما تخرج بـْرة البراويز
تفهمها بدون أي حساسة
إن الحلــْم
ماهوّاش علم
وتلعبها بكل طفاسة
كأن العلم
ما هواش فيلم
لعبة غدرخباثة
سابقة التجهيز
وعشان يسمح لك بالتنفيذ
لازم يبقي لك ضهر و عكاكيز
دانا ياللي بلدياتك
وعلي نيـّاتي زي حالاتك
إستعجبت في هذي الأيام السودة
