في مديح السفاحين


مقالات جرايد عوالة لصفوة م الكتاب
بتصوّر السفاحين القتلة والأذنــــــاب
شهداء وهمة بلونا بشرعة الارهــــاب
إيه اللي يبقي لهذا العالم الممحـون
اللي شريفه اتقهر من كدبهم مطحـــون
غير إنه يا ينتحر أو ينفجر مجنـــــــون
يدبح بإيده الفريسة لصاحب الأنيــاب

صدام ضحية غرورة وشهوته وعمــاه
زيـّه كزي اللي زيـّه ف سلطته و غبــــاه
إذ كل منهم مصدق ما في رب سواه
يدوس بكعبة علي رقب البني آدمين
يعـّود الخلق حين ينخع يقولوا آميــن
يفرض تراويح عبادته بدل صحيح الديـــن
يُميت ويحي ما فيش غيره زعيــــم وإله

وحده بعساكره وأزلامة صحــاب الدار
وشعوب بحالها ف أرابيزه تخش النار
يا تعيش ذليلة تغمس ذل عيشـــها مرار
شباب كما الورد يدبل في سجونه يمــــــوت
و نساء صبايا يضيعوا ضحية الجبروت
وباسم مجد الوطن يمشوا وراه للمـــوت
يا يعيشوا اكياس بطاطا باسم لاستقرار

ولما تيجي النهاية السودة طبـــيعية
أو غير طبيعية بايد عملاء وحرامـــــية
قربتنا فوق راسنا تشلب دم مش ميـــه
يتقال يا عيني عليه دا كان وكان لســــة
مع إن دم الضحايا مـــــانشف ننسي
واللي بسكينته دابـحة مقاسمه في الحصة
وشين كتابه وملك في حكـــايه تاريخية

قاتل ومقتـــــــول ضحية واتقتل قاتل
عجلة ودوارة لكن في مدار عـــــاطل
هذا دابح شعبه هذا لص ومخاتـــــل
في عصابة دولية بايعة تشتري فينا
واحنا الضحية لخيابـــــــــــتنا وبلاوينا
إذ جهلنا بالتاريخ نعمة بترضينــــــــــا
وكأنه مكتوب علينا نلغّ في الباطــــل

مقالات جرايد عوالة لصفوة م الكتاب
بتصور السفاحين القتلة والاذنــــــاب
شهداء وهمّه بلونا بشرعة الارهــــاب
ايه اللي باقي لهذا العالم الممحـون
اللي شريفه اتقهر من كدبهم مطحـــون
غير انه يا ينتحر او ينفجر مجنـــــــون
يدبح بإيده الفريسة لصاحب الانيــاب
كلام من القلب من باب الصدق المنعكش
هوْ هوْ يا كلب العرب حلّق وبسْ عليه
قوم فِز وانهش جراح تاريخنا همّـك إيه
إعمل بأكلك أكم لحمي طبخهو لك..
رقصت ع الرّافدين يا ما وبست ايديه
**
واما اتغدر ناوي ليه ع الجثة تعمل بيه؟