إزاي عـدّيتعلي كل دي بزابيز
وما شفتش
كل دي مهاميز
واستقتلت..ما صدقتش
إنها محسوبة
ما فهمتش
حكمة غرَق النوبة
و لا مغزي خيبة توشكي
و لا حواديت الضربة الجـّوية
والسر ورا الطوبة
اللي ما بتصيبش الا العرقوبة
ما حرمتش من دي النوبة
ما دقتش خبز التوبة
وصدقت ان القرعة
المزروعة في الصوبة
طبيعية
وإن اللي جعانة
بتعزم ع الفتة جيرانها
وإن الهاتمة
بتكشف علي ضـرّتها اسنانها
***
فاصبر يا صاحبي
علي ليل الزنزانة ..
إستحمل انت ف مصر ..
اللي كاتم علي نفسك
قاتل مستقتل
واللي معاك أو زيـّك
شايل متحمل ذنبه
و بيتجمـّل
الشبعانة جبانة
والكركوبة السهتانة راضية
بدور الكومبارس
ذاك لأن اللي تعوزه
المستعفية
متحـّرم شرعياً في بلدناعلي العيانة
شكشكة
كنـّا زمان فيه الصديـــــق عنده وقت
وقت يلاقيـــــك . وتروح له في أي وقت
جالنا زمـــــان صيرنا فيه قربة واحدة
عايشين منـــاهدة ما حد فيه عنده وقت
**
طارحة الحضــــارة المرارة حصادها في كل وقت
علي بوابات الجحيم
قلبي مقرفص ع الرصيف
مهموم
بيبيع خًضار مشموم
لأهل المدن
مقسوم
ما بين حق الرغيف والنوم
وحق تصاريف الزمن
يبكي مصير الريف
لعبد مشوم
كان لك مخبي فين
يا طفل عجوز
تشيل لشوشتك
كل هذي المحن
ولا تنحني لطبيعة الأراجوز
ف تعوم
ولا تنكسر روحك بعشق الوطن
و تكتئب في حضن فلاحة
تقطف عنب ما تحسش الراحة
